Бұл - бойым мен ойымда жағымды өзгеріс, қам-қарекетімде серпін тудырған, трансформациялық коучинг негіздеріне сүйене жазылған қазақ тіліндегі алғашқы еңбек. Кітап қарапайым, қалың қауым арасына әлі күнге жете қоймаған «коучинг», «коуч» ұғымдарымен таныстыруды мақсат етіп қояды. Сондай-ақ кітап қазақ тілді коучинг мамандарына арналған. Кітапта қадамдап бастатып, аршындап адымдататын құдіретке ие техникалар, инструменттер, түрлі жаттығулар берілген. Кітаптан коуч, этнолог, ғылым докторы ғана емес, әйелге тән түрлі рөлдерді атқару барысындағы өмірлік тәжірибемнен түйген ой-пікірлерімді, ағымнан жарылған үзік сырларымды оқи аласыздар. Сондай-ақ кітаптан нақыл сөздерді, аңыз-әңгімелерді, қажетті аффирмацияларды таба аласыздар.