91.9:83
Ж 13
Жамбыл Жабаев = Zbambyl Zhabayev [Мәтін] : (1846–1945) : ұсыныстық библиографиялық көрсеткіш / [құраст.: Алаку-шукова Г. Т. [т. б.] ; ред.: Оспанова Б. Қ., Искалиева Н. А. – Алматы : [б. ж.], 2021. – 656 б.
Қазақстан Республикасының Ұлттық кітапханасы қазақ халық поэзиясының жыр алыбы Жамбыл Жабаевтың туғанына 175 жыл толуына орай өмірі мен қызметіне арнап «Қазақстан өнері» биобиблиографиялық сериясы аясында ұсыныстық библиофафиялық көрсеткішті дайындады.
Көрсеткіш 1986 жылы Қазақ ССР-інің А.С. Пушкин атындағы Мемлекеттік кітапханасы мен Жамбылдың Республикалық әдебиет-мемориалдық музейі бірігіп шығарған «Жамбыл Жабаев» библиографиялық көрсеткішінің толықтырылған басылымы болып табылады.
Көрсеткіште 1936 жылдан 2021 жылдың сәуір айына дейінгі кезеңде баспа бетінде жарық көрген басылымдар қамтылды. Көрсеткіш екі бөлімнен тұрады: бірінші бөлімге – қазақ, екіншісіне – орыс және шет тілдеріндегі әдебиеттер жинақталды.