63.3(5Қаз)
А 90
Атырау облысының тарихы [Мәтін] : көне заманнан бүгінге
дейін : 3 томдық. Т. 1 : Ежелгі дәуір және орта ғасырлардағы
Атырау облысы / ҚР Ғылым және жоғары білім м-гі, Ғылым
комитеті ; Ш. Ш. Уәлиханов атындағы Тарих және этнология
ин-ты ; [томның ред. алқасы: Ғ. Халидулин (жауапты ред.) [т. б.].
– Алматы : Литера-М, 2023. – 367 б. : сурет.

«Атырау облысының тарихы. Көне заманнан бүгінге дейін» үш томдығының 1-томы ежелгі дәуірден орта ғасырларға дейінгі Солтүстік-шығыс Каспий өңірінің тарихына арналған. Ұсынылып отырған кітап жаңаша типте өңірдің тарихы бойынша кәсіби мамандардың қатысуымен жазылған алғашқы еңбек.
Бұл томда өңір тарихын зерттеудің ғылыми-теориялық мәселесі, көне заманнан орта ғасырларды қамтитын Атырау өңірінің тарихы, облыс аумағындағы көп жылғы палеонтологиялық, геологиялық, археологиялық және этнологиялық зерттеулердің нәтижелері қарастырылды.
Кітапта Қазақстан, Ресей, сондай-ақ Атырау, Алматы, Маңғыстау, Батыс Қазақстан, Ақтөбе облыстарының архив материалдары және жарық көрген ғылыми еңбектер кеңінен қамтылды. Кітап тарихшыларға, археолог, этнолог, палеонтолог, өлкетанушыларға, сонымен қатар Отан тарихына қызығушылық танытатын оқырманға арналған.