63.3(5Қаз)47

У 17

Уәлиханов, Ш.

   Өмірі ; Қызметі ; Суретшілік өнері [Мәтін] / Ш. Уәлиханов. – Алматы : Өлке, 2013. - 352 б. - (Жасөспірімдер кітапханасы).

Кітап қазақтың ұлы ғалымы, ағартушылық мәдениеттің тұңғыш өкілдерінің бірі, шығыстанушы, тарихшы, фольклоршы, этнограф, географ Шоқан Уәлихановтың өмірі мен қызметтері жайында жазылған тарихи әңгімелер мен зерттеулерден құралған.

Шоқанның арғы бабасы Абылай хан билеген XVII ғасырдағы қазақ тарихынан басталатын бұл жинаққа атасы Уәли ханның, Көкшетау сыртқы округының аға сұлтаны болған әкесі Шыңғыстың және Шыңғыстың анасы Айғаным ханшаның өмірлері жайында жазылған мағлұматтар да енген.

Бұл еңбекте ғалымның туып-өскен, білім алған ортасы және Іле Алатауы мен Қашқар жеріне жасаған саяхат-сапарлары жайында кеңінен тоқталады. Сондай-ақ оның өмірге өзіндік көзқарасын, әсіресе суретшілік қырын терең танытады.

Жинақта Шоқанның өз қолымен салған көптеген суреттері қоса беріліп, оның тарихи ескерткіштер (тас мүсіндер, қорғандар, күмбездер) төңірегіндегі ғылыми ізденіс істері сөз болады.

Кітап мектеп, гимназия, лицей оқушыларына, орта және жоғары оқу орындарының студенттеріне арналған.