84(5Қаз)

Б 69

Бодаубай, Б.

   Таңғаламын өмірдің ғажабына [Мәтін] : [сыр-сұхбатқа құрылған ғұмырнамалық роман]. Бірінші кітап / Б. Бодаубай. – Астана : Фолиант, 2017. - 320 б.

Бодаубай, Б.

   Таңғаламын өмірдің ғажабына [Мәтін] : [сыр-сұхбатқа құрылған ғұмырнамалық роман]. Екінші кітап / Б. Бодаубай. – Астана : Фолиант, 2017. - 320 б.

 

Бүгінгі таңдағы ел ағасы, халқымыздың бетке ұстар асыл азаматы, орда бұзар отыз жасында жемісті ғылыми-зерттеу еңбектерімен қазақ әдебиетінің тарихын бір мың екі жүз жылға тереңдетіп ерлік жасаған, тоталитарлық жүйе күйремей тұрып-ақ Шәкәрім Құдайбердиев, Әлихан Бөкейханов, Ахмет Байтұрсынов, Жүсіпбек Аймауытов, Міржақып Дулатов сынды Алаш арыстарын, ардақты ақын-жазушыларымызды халқымызбен қайта қауыштыруға айтарлықтай үлес қосқан, тәуелсіздіктің алғашқы қиын жылдарында Елбасымыз Нұрсұлтан Әбішұлының жанынан табылып, ұлтымыздың рухын оятуға, еліміздің еңсесін көтерісуге атсалысқан, наурыздың ұлттық рухани сипат алып, қайта оралуына, ана тіліміздің мемлекеттік мәртебеге ие болуына, елдік салт-санамыздың, әдет-ғұрпымыздың жаңғыруына өлшеусіз еңбек сіңіріп, жұрт алғысына бөленген Мырзатай Жолдасбековтің есімі елімізге кеңінен белгілі.

Екі кітаптан тұратын, сыр-сұхбатқа құрылған бұл романда ұлт мұраты жолында ғұмыр бойы жан аямай қызмет етіп келе жатқан Мырзатай Жолдасбеков ағамыздың күреске, ғибратқа толы өмір жолы көркем тілмен кестеленеді.