Кітапта соңғы жылдардағы пайда болған ғылыми және тәжірибелік мәліметтер ескеріле отырып, белгілі жаттықтырушылар мен мамандардың тәжірибелеріне негізделген теннис туралы мәліметтер жинақталған. Сонымен қатар мұнда бар мәліметтерді жүйелендіру мүмкіндігі жасалып, жаңа бастаушыларға ойынның тәсілдерін игерудің қадамдық стратегиясын оңай қабылдау үшін ыңғай жасалған. Оқу құралынан ойынның даму тенденциялары, ойынның ережесі, түрлі соққыларды орындау техникасының суреттемесі және теннисшінің киімдері мен құрал-жабдықтары туралы мәліметтерді кездестіруге болады.

«Теннис ойыны» атты бұл кітап Қазақстан теннис федерациясының 10 жылдық мерейтойына арналып, қазақ тілінде алғаш рет дайындалды.

Оқу құралы теннисті жаңа бастаушылар мен балаларға, сондай-ақ дене тәрбиесі және спорт бағытындағы студенттерге, жаттықтырушыларға, мамандар мен жалпы оқырмандарға арналған.