7 тамыз күні өлкетану әдебиеттері бөлімі «Ақбұлақ» балабақшасының бүлдіршіндері үшін «Таңқаларлық сен тұратын өлке» атты өлкетану минутын өткізді. Алдымен кітапхана қызметкерлері балаларға Қостанай қаласының пайда болу тарихы мен бүгінгі таңда жеткен жетістіктері жайлы баяндады. Қостанай облысынан шыққан ақын-жазушылардың кітаптары да бүлдіршіндердің назарына ұсынылды. Сонымен қатар, кітапты қолдану ережесі жайлы еске түсіріп, ойларымен бөлісті. Балалар қызығушылықпен қатысып, кітаптар мен өлкемізден шығатын газеттерді оқып, қойылған сұрақтарға жауап берді. Кеш соңында барлық қатысқан балаларға естелік сыйлықтар табысталды.