Биыл қазақ поэзиясындаөшпес мұра қалдырған аса көрнекті ақындардың бірі Ғафу Қайырбековтің туғанына 90 жыл толды. Осыған орай Өлкетану әдебиеттері бөлімінде «Айдыны кең арқалы ақын» атты кітап көрмесі безендірілді. Кітап көрмесіне жыр жампозының бірнеше кітабы, жыр жинақтары мен басылым беттерінде жарияланған мақалалары, замандастарының естеліктері қойылған. Поэзияның шыңына адалдық пен арқалы жырды ту еткен жерлес ақынымызға арналған кітап көрмесімен танысуға шақырамыз. Көрме жылдың аяғына дейін жалғасын табады.