15 тамызда Л. Н. Толстой ат. ОӘҒК болатын облыстық «Төртінші өнеркәсіптік революция жағдайында Қостанай облысындағы білім беру жүйесін дамыту мүмкіндіктері» педагогикалық конференциясы аясында «Кітапхана оқушылардың рухани дамуына қажетті туған өңірдің тарихын сақтау және зерттеу орталығы» секциясы өтеді. Секция флеш-семинар түрінде өтеді және мектеп кітапханашыларының ҚР Президенті Н. Ә. Назарбаевтың «Болашаққа бағдар: рухани жаңғыру» бағдарламалық мақаласын жүзеге асыруға бағытталған жұмыстарына арналатын болады. Л. Н. Толстой ат. ОӘҒК өкілдері өлкетану жұмыстары үшін жаңа ресурстар ұсынса, Қостанай қаласы мектептерінің кітапханашылары өз жұмыстарында қолданылатын инновацияларды ортаға салатын болады.