Әмбебап оқу залы жаңа оқу жылы қарсаңында қала мен облыстың мұғалімдері үшін педагогика тақырыбына арналған «Өмір бойы білім алу: жаһандану жағдайындағы үздіксіз білім» атты кітап көрмесін безендірді.
Көрмеге мерзімді басылым беттерінде жарияланған еліміздің үздік ұстаздарының озық тәжірибелері жайындағы мақалалар, ҚР Білім және ғылым министрлігінде дайындалған оқу-әдістемелік, нұсқаулық-нормативтік, ақпараттық-аналитикалық материалдар қойылған.
Көрмеге қойылған ҚР білім беру жүйесі жайындағы әдістемелік пікір таластар мен түрлі педагогикалық толғаныстар да назар аударуға тұрарлық, сондай-ақ бұл жерде мектеп оқушылары мен талапкерлер жиі жолдайтын сұрақтарға берілетін жауаптармен де танысуға болады.
Барлығыңызды көрмемізбен танысуға шақырамыз.