6 қазанда Л.Н.Толстой ат. ОӘҒК ақын, алашордашы, Торғай облысының тумасы Файзолла Сатыбалдыұлының туғанына 135 жыл толуына арналған портрет-кеш өтті.

   Файзолла Сатыбалдыұлы «Тоқымбет», «Ұзақ жол», «Өмірбаян», «Әбдіғапар хан» секілді атақты поэмалардың авторы. Бұл поэмалар тарихи деректерге құрылған, сол себепті олар 1916 жылғы оқиғаларды анықтауда айрықша маңызды болып танылады.

   Кештің құрметті қонақтары ретінде ақынның немересі ҚР ұлттық қауіпсіздік органдарының ардагері, полковник Рамазан Зияуйтденов, Қазақстан Жазушылар одағының мүшесі, ақын Серікбай Оспанов қатысты. Шара барысында қонақтар Файзолла Сатыбалдыұлының өмірі мен қызметіне қатысты қызықты деректер жайында айтып берді.

   Кездесу аясында Файзолла Сатыбалдыұлының толықтырылған және қайта басып шығарылған «Көкірегі алтын көмбе» кітабының тұсаукесері болды.