2 қарашада Л. Н. Толстой ат. ОӘҒК қонақжайында атақты ақын, бард, драматург, сценарийші Александр Аркадьевич Галичтің 100 жылдығына арналған кеш өтті. Шараға аға буын өкілдерімен бірге жас ақындар, прозашылар және музыканттар жиналды. Әдеби-ақпараттық бөлімнің қызметкерлері А. А. Галичтің өмірі мен шығармашылығы туралы қызықты әңгіме дайындаса, қостанайлық бард Дмитрий Говорков оның әндерін нақышына келтіре орындап берді. Светлана Петровна Борзенкова 1968 жылы Новосібірде А. А. Галичпен болған кездесуін ортаға салды. Достық ахуал отырыстың еркін өтуіне, жиналғандардың ашық әңгімелесуіне ықпал етті.