2019 жыл Өзбекстандағы Қазақстан жылы болып жарияланды. Әмбебап оқу залында осы маңызды саяси оқиғаға арналған «Қазақстан – Өзбекстан: бірігу, бизнес, даму» атты кітап көрмесі безендірілді.

Қазақ халқының тарихы Өзбекстан мен Орта Азияның тарихымен тығыз байланысты. Бауырлас екі халықтың бай рухани мұрасы ежелгі дәуірден бері ортақ тарихпен, қонақжайлыққа, үлкенді құрметтеуге, Құранның талаптарын орындауға бағытталған дәстүрмен, салтпен тығыз байланысты. Мәдени және адамгершілік байланыстар достық қарым-қатынастың маңызды факторы болып табылады.

Кітап көрмесіне қазақ халқының тарихына, мәдениеті мен өнеріне қатысты материалдар, сондай-ақ қазақ және орыс тілдеріндегі қазақстандық авторлардың шығармалары қойылған.

Барлық қала тұрғындарын кітап көрмесін көруге шақырамыз!