Л.Толстой ат. ОӘҒК жазушы, сценарийші, қоғам қайраткері Данил Гранинның 100 жылдығына арналған пікір алмасу кеші өтті. Оның атағын «Искатели», «Иду на грозу», «Зубр» романдары, сондай-ақ А.Адамовичпен бірлесе жазған «Блокадная книга»шығармасы шығарды.

Кездесуге белгілі қостанайлық жазушылар, педагогтар, ғалымдар қатысты. А.Байтұрсынов ат. ҚМУ оқытушысы Ю.Бондаренко танымал жазушының шығармашылығындағы жарқын аспектілерді атап өтті және жиналғандарды әдебиет саласындағы білімдерін кеңейтуге шақырды. Жазушымен араласып тұрған актер және режиссер, Ресейдің еңбек сіңірген әртісі В.Захарьев өзінің естеліктерін ортаға салды. Қонақтардың назарына Данил Гранинның шығармалары қойылған кітап көрмесі ұсынылды.