Әмбебап оқу залы орыс жазушысы, Петербург ғылым академиясының академигі, атақты мысалшы И. А. Крыловтың туғанына 250 жылтолуына арналған «Мың жылдық мысалшы» кітап көрмесін тамашалауға шақырады.

Болашақ мысалшы айтарлықтай білім ала алмады, алайда табиғат берген талантының арқасында өз заманының ең білімді адамдарының бірі болды. Мысал Крыловтың талантын толық және жан-жақты көрсете алған жанр болды.

Крылов билік өкілдерінің іс-әрекетін әжуалай жүріп қарапайым адамдардың мүддесін қорғады, ол адамдардың көптеген кемшіліктерін, әсіресе өзімшілдігін, ақымақтығын және мақтаншақтығын сынады. Оның мысалдары бізді шынайы адамгершілік құндылықтарын, халық даналығын түсінуге үйретеді, өмірлік тәжірибеміздің кеңеюіне көмектеседі.

Көрмеге автордың шығармалары, оның өмірі мен шығармашылығы жайындағы әдебиеттер қойылған. Барлық тілек білдірушілерді көрмені тамашалауға шақырамыз.