2019 жылдың 8 ақпанында Л. Н. Толстой ат. ОӘҒК қонақжайында «Стихи о счастье» әлемдік поэзиясының қысқаша антологиясының тұсаукесері болды. Басылымды таныстырған құрастырушы – ресейлік ақын, автор және өз әндерін орындаушы Юрий Москалев.Оған Гомерден бастап Б. Гребенщиковқа дейінгі түрлі халықтың, түрлі стиль мен уақыт авторларының шығармаларын бір мұқабаның ішінде жинақтаудың сәті түскен. Басылымға енгізілген өлеңдерге қойылған жалғыз талап – махаббат, өмірге деген сенімділік.

Тұсаукесерге қызмет көрсету колледжінің студенттері мен оқытушылары, белгілі қостанайлық ақындар, жазушылар, музыканттар, педагогтар қатысты. Жергілікті ақындар антологиядағы өлеңдерді және өздерінің шығармаларын оқыды.

Шара бейресми достық әңгімемен аяқталды.