22 ақпанда Николаос Иванович Мармалидидің жетекшілік етуімен «MEDIAMASTER» фотожурналистика клубы көрермендер назарына «Біздің заманымыздың портреті» фотокөрмесін ұсынды.
«Барлық портрет өмірдің түрлі саласына арналған, олардың кейбіреуінен қандай да бір эмоцияны, қуанышты, өкінішті, таңданысты көруге болады. Себебі жұмыстың өзі келушілердің қандай да бір сезімін және пікірін тудыруға бағытталған»,- дейді Николаос Мармалиди.
Клуб жаңаша ойлауға ұмтылатын, экспозиция теориясының негізін игергісі келетін, теорияны практикада қолдануға, жаңа достар табуға, ұйымдастырушы, редактор және пабликтер мен әлеуметтік желілердегі беттердің әкімшісі болуға ұмтылатын жастарды біріктірген.
Клубтың жаттықтырушысы болып «Наш Костанай» газетінің журналисі С. Кушекбаева, журналистика мен блогерліктің құқықтық саласы бойынша жаттықтырушы, заңгер В. Алексанин табылады.
Жоба АҚШ елшілігінің гранты аясында жүзеге асырылды.