2014 жылы Л. Н. Толстой ат. облыстық кітапхана жанынан құрылған «Ақ қауырсын» әдеби клубы өзінің 5 жылдық мерейтойын атап өтті. Жастарды құттықтау үшін клубтың төрағасы, І. Омаров ат. облыстық драма театрының әдеби бөлімінің меңгерушісі, жазушы Абылай Мауданов, «ТаймПресс» сайтының редакторы, жас ақын Аслан Қанғожин, Қостанай гуманитарлық колледжі мен Қостанай мемлекеттік педагогикалық университетінің студенттері келді. Әдеби-ақпараттық бөлім мерейтойлық күнге арнап «Аққауырсын - жастарәдеби клубы» өлеңдер жинағын жарыққа шығарды. Кездесу барысында жас авторлар өздерінің өлеңдерін оқыды, шақырылған қонақтарға сұрақтар қойды, алдағы жоспарларды талқылады, алған әсерлерімен бөлісті. Шара достық ахуалда өтті.