22 ақпан күні «Дарынды ұрпақ – Қазақстанның болашағы» атты мектептік Ғылым күні аясында облыстық кітапханада № 2 мектеп-лицейінің 11 сынып оқушылары үшін «Ұлы Даланың жеті қыры» атты тәжірибелік конференция өткізілді.

Конференцияның пленарлық отырысында қатысушылар Елбасы мақаласының негізгі идеяларымен танысты. Одан әрі диалог алаңдары жұмысын бастады, онда модераторлар ұлттық бірегейліктің негізгі мәселелерін талқылауды ұсынды.

Төрт демонстрациялық алаңдарда конференция қатысушыларына облыстық кітапхананың инновациялық ақпараттық ресурстары: мультимедиялық энциклопедия, инновациялық «Сөйлейтін» кітаптар, киелі нысандардың библиокартасы және Қостанай облысының толық мәтінді деректер базасы таныстырылды.

Конференция соңында кітапхананың негізгі қорының кітап сақтау бөлімі бойынша және сирек кітаптар қорына экскурсия жасалды.