Өнер туралы әдебиеттер бөлімінде тамаша тұлға, ҚР еңбек сіңірген мәдениет қызметкері, ҚР Музыка қайраткерлері одағының мүшесі, Қостанай қ. құрметті азаматы Владимир Васильевич Рыдченкомен мерейтойлық кездесу өтті.

Владимир Васильевич тағдыры сынаққа толы болған ұрпақтың қатарына жатады. Өмірде белгілі бір белеске жету үшін және өңір тарихының бір бөлшегіне айналу үшін қыруар күш жұмсау қажет болды. Владимир Васильевич кездесуге келген жастарға өзінің шығармашылық және еңбек жолы туралы, кәсібінде жетістікке қалай жеткені және оған деген сүйіспеншілігін қалай сақтап қалғаны туралы айтып берді.

Мерейтой иесін құттықтау үшін әріптестері, филармонияның әншілері Қадыр және Майра Қаржауовтар, М. Кадиров, О. Квитко, Н. Степанова келді.