Үстіміздегі жылдың 4 сәуірінде Әмбебап оқу залы «Бақуатты қоғам: онжылдықтың 10 мақсаты» бағдарламасының негізгі ойларын түсіндіруге арналған «Елдіктің еңселі қадамдары» дөңгелек үстелін өткізді.

Шараға экономика кафедрасының профессоры, экономика ғылымдарының докторы С. М. Жиентаев, «Қостанай қаласы әкімдігінің жұмыспен қамту және әлеуметтік қорғау бөлімі» ММ бас маманы Жаңабаева Светлана Қуантайқызы, Қостанай облысы әкімдігінің «Қоғамдық келесім» КММ бөлім меңгерушісі Мырзағалиев Руслан Жүсіпбекұлы, «Нұр Отан» партиясының Қостанай қалалық филиалының кеңесшісі қатысты. Сөз сөйлегендер қуатты экономиканы қалыптастыруымыздың, азаматтарымыздың әлеуметтік жағдайын жақсартуымыздың, еліміздегі халықтың бірлігін нығайтуымыздың, бірлесе жұмыс істеуіміздің және жетістіктерге бірге жетуіміздің қажеттігін атап өтісті.