17 сәуірде Л. Н. Толстой ат. ОӘҒК өнер бөлімінің қызметкерлері Қостанай аудандық кітапханасының оқу залында Қостанай қ. әуесқой суретшісі Анатолий Павлович Ешенкомен кездесу ұйымдастырды. Оқырмандар назарына оның «А. Ещенконың шығармаларындағы шынайылық» атты көрмесі ұсынылды.

Анатолий Павлович сурет салумен әуестігі туралы, мектепте оқып жүрген кезінде  Пионерлер сарайындағы бейнелеу студиясына қатысқаны туралы әңгімелеп берді. Жас кезінде әуесқойлар деңгейінде фотосуретпен, ағашқа өрнек салумен айналысты. Зейнеткерлікке шыққаннан кейін сурет салумен айналыса бастады. Шарадан кейін автормен жақынырақ танысуға, өздерін қызықтырған сұрақтарын қоюға мүмкіндік туды. Көрме 30 сәуірге дейін жұмыс істейтін болады.