5 мамырда қонақжайда ақын, жазушы Ілияс Жансүгіровтың туғанына 125 жыл толуына арналған «Қазақ әдебиетінің классигі» әдеби кеші болып өтті. Шараның тыңдаушылары ретінде «Назарбаев зияткерлік мектебінің» оқушылары, сондай-ақ «Ақ қауырсын» және «Кітапқұмар» әдеби клубтарының мүшелері қатысты.
Қонақтар қазақ әдебиетінің классигінің поэтикалық талантынан ләззат алуға мүмкіндік алды, олар үшін автор поэмасының желісі бойынша түсірілген «Құлагер» фильмінен үзінді көрсетілді. Кеш жастардың Ілияс Жансүгіровтың өлеңдерін мәнерлеп оқуымен аяқталды.