2019 жылдың 5 шілде күні І. Омаров ат. қазақ драма театрында «ӨЗІМІЗДІҢ БИ-АҒА» атты республикалық ақындар мүшайрасы өтті. Осы мүшайраға Өлкетану әдебиетері бөлімі «Бейімбеттің биігі» атты безендірілмелі кітап көрмесін дайындады.

Екі бөлімнен тұратын экспозиция ақынның барлық шығармашылығын қамтыды. Көрмеде Б. Майлиннің шығармалары, жеке повестер, поэмалар, фельетондар мен очерктер, сондай-ақ кітапхана қорынан мерейтой иесі туралы ақпарат ұсынылды. Өлкетану әдебиеттері бөлімінің қызметкерлері көрмеге шолу жасай отырып, байқауға қатысқан қонақтарды біздің жерлесіміз Бейімбет Майлиннің көп қырлы талантымен және бай өмірлік тәжірибесімен таныстырды.