Өнер туралы әдебиеттер бөлімінде орыс суретшісі И.Е.Репиннің 175 жылдығына арналған «Кереметті көре білген кісі» атты көрме безендірілді.

Көрмеге суретшінің өмірі мен шығармашылығы жайындағы кітаптар, сондай-ақ оның «Не ждали», «Иван Грозный и сын его Иван», «Бурлаки на Волге» секілді атақты шығармаларының репродукциялары мен  Антон Рубинштейннің, Модест Мусоргскийдің, Лев Толстойдың және Репиннің көптеген замандастарының портреттері енгізілген альбомдар қойылған. Бұдан басқа Илья Ефимович «Көшпелі сурет көрмелері серіктестігінің» мүшесі болғандықтан көрмеге осы бір суретшілер бірлестігі жайындағы кітаптар қойылған.  

И.Е. Репиннің өмірінің соңғы кезінде жазған «Далекое и близкое» өмірбаяндық кітабы көрменің ең құнды жәдігері болды. Илья Ефимович Репиннің әдебиет саласындағы қабілеті өте зор болатын. «Далекое близкое» –өмірі, әріптестері мен замандастары жайындағы естеліктер кітабы, ол 1915 жылы құрастырылды және баспаға дайындалды, алайда алғаш рет автор дүниеден өткеннен кейін 1937 жылы жарияланды, оншақты рет басылып шықты және көптеген шетел тілдеріне аударылды.