Үстіміздегі жылдың 28 тамыз мемлекеттік мереке – Конституция күні қарсаңында Әмбебап оқу залы Қостанай облыстық ауруханасының медицина қызметкерлері үшін «Конституция – еліміздің ең басты заңы» шарасын өткізді.
Конституцияның арқасында еліміздің әрбір тұрғыны өзін осы мемлекетті құрған және ондағы мемлекет билігінің бірден-бір көзі болып табылатын Қазақстан халқының мүшесі ретінде сезінеді.
Шара барысында оған қатысқандардың назарына Конституцияның жасалу тарихы мен оның негізгі қағидалары туралы бейнесюжеттер көрсетілді.
Шараға орай ұйымдастырылған «Конституция – мемлекеттің негізгі заңы» кітап көрмесі шараға келгендердің жоғарыда аталған тақырыпқа қатысты білімдерінің кеңейе түсуіне ықпал етті.