24 қыркүйекте Өлкетану әдебиеттері бөлімінің әдеби-ақпараттық секторының дайындауымен жазушы, кинорежиссер және актер Василий Макарович Шукшиннің 90 жылдығына арналған әдеби кеш өтті. Оның шығармалары адамдарға деген шынайы сүйіспеншілігімен, суреттеулердің шыншылдығымен және анықтылығымен, кейіпкерлерін бейнелеудегі психологиялық тереңдігімен және анықтығымен ерекшеленеді. В. М. Шукшиннің есімі ХХ ғасырдағы атақты жазушылар мен кинематографистердің қатарында тұруға әбден лайық.

Шараға қатысқан студенттер мен зиялы қауым өкілдері Василий Макаровичтің өмірбаянымен және шығармашылығымен танысуға мүмкіндік алды, оның өмірінде орын алған қызықты сәттер жайлы хабардар болды.  Педагог Светлана Петровна Борзенкова осы бір тамаша тұлға жайындағы өзінің ойларын ортаға салды.