2019 жылы Қостанай облысы тың және тыңайған жерлерді игерудің 65 жылдығын атап өтуде. Бұл айрықша және аса маңызды оқиға Қазақстан тарихының алтын беттерінің бірі болды.

Елімізде қазақстандық отаншылдықты ұлттық тарихты тану рухында тәрбиелеуге ерекше көңіл бөлініп отырған қазіргі кезде мемлекеттің дамуына ерекше ықпал еткен өткен жылдардың оқиғаларын білу және ұмытпау ерекше маңызды. Бұл «Рухани жаңғыру» мемлекеттік бағдарламасында белгіленген стратегиялық міндеттердің бірі.

Дүниежүзілік нан күнін атап өту аясында Л. Н. Толстой ат. Қостанай ОӘҒК өлкетану әдебиеттері бөлімінің қызметкерлері Қостанай педагогикалық колледжінің бірінші курс студенттері үшін ұйымдастырған«Астық иісі аңқыған алақан ардақталуы тиіс» дөңгелек үстелінің жұмысына қатысты.

 Шара барысында қостанайлық Социалистік Еңбек Ерлеріне арналған «Үлкен еңбектің үлкен  адамдары» баспасөз клипингінің және «Қостанай облысы: тарих, адамдар, оқиғалар» толық мәтінді өлкетану базасының таныстырылымы болды.