5 қарашада атақты «Ғасырлар пернесі» Жангелдин фольклорлық-этнографиялық ансамблінің қатысушылары: Күләй Ахметовамен, Рысты Ерденовамен, Ақдәмен Досановамен, Кенжесары Бекхожинамен кездесу болды.
Кездесу жанға жайлы отбасылық ахуалда өтіп, қонақтар естеліктерімен бөлісті, гастрольдер аясында сапарға шыққан елдері туралы, ансамбльдің жетістіктері жайында әңгімелеп беріп, қызметтес болған әріптестерін еске алысты. Шараға шақырылған Ө. Сұлтанғазин ат. Қостанай мемлекеттік педагогикалық университетінің студенттері өздерінің музыкалық нөмірлерімен кездесуге келгендердің көңілін көтерді. Кездесу соңында қонақтар жастарға ақыл-кеңестерін айтып, халық музыкасының маңыздылығын, халықтық ән дәстүрін сақтаудың қажеттігін атап өтті.