21 қарашада республикалық «Бір ел – бір кітап» акциясы аясында Әмбебап оқу залы Абонементтер бөлімімен бірлесе отырып М. Дулатов ат. ҚИЭУ-де «Қазақтың қос бәйтерегі» әдеби кешін өткізді. 2019 жылы жалпы халықтық оқу үшін Әбіш Кекілбаевтің «Аңыздың ақыры» романы мен Әбділда Тәжібаевтың лирикалық шығармалары таңдап алынды.

Шара барысында әдебиетшілердің өмірі мен шығармашылық жолдары жайында бейнесюжеттер көрсетіліп, студенттер әйгілі әдебиетшілер жайындағы әдебиеттер мен олардың шығармалары қойылған кітап көрмесімен танысты.

«Әбділда Тәжібаев: қазақ поэзиясының пырағы» және «Әбіш Кекілбаев: өмір мен аңыз» атты негізгі екі бөлімнен тұрған көрменің көрнекті жеріне авторлардың шығармалары қойылды.