Абонементтер бөлімінде еліміздің ең басты мемлекеттік мерекесі Қазақстан Республикасының Тәуелсіздігі күніне арналған кітап көрмесі безендірілді.

Көрмеге мемлекеттілікті құру және қалыптастыру жолындағы негізгі қадамдар жайында, республиканың әлемдік қауымдастықтағы рөлі туралы баяндайтын басылымдар қойылған. Көрмеде Қазақстанның қазіргі кездегі саяси, экономикалық, мәдени және қоғамдық өміріне қатысты мәселелерді талқылайтын кітаптар да мол. С. Плехановтың «Не шелковый путь», О. Дымовтың «Мы, народ Казахстана…» басылымдары, «История Независимого Казахстана» монографиясы назар аударуға тұрарлық. З. Е. Кабульдиновтың «Астана: прошлое и настоящее» кітабында көптеген қызықты мәліметтер келтірілген. «Желтоқсан көтерілісі», «Алма-Ата 1986» және Н. Кенжегуловтың «Декабрьское восстание 1986 года» кітаптары оқырмандарды 1986 ж. желтоқсанында орын алған қайғылы оқиғалар туралы хабардар етеді.