Кітапхананың 1-ші қабатының фойесінде «Мемлекет басшысы Қасым-Жомарт Тоқаевтың Қазақстан халқына арнаған «"Сындарлы қоғамдық диалог – Қазақстанның тұрақтылығы мен өркендеуінің негізі" жолдауы» көрме-ақпараты жұмыс істеп тұр. Көрмеге мемлекет басшысының жыл сайынғы жолдауының мәтіні, сондай-ақ жолдаудың басымдылық берілген бағыттарын түсіндіретін республикалық және жергілікті басылымдардан алынған жарияланымдар қойылған. Көрмені 2020 жылы аталып өтілуі тиіс мерейтойлық күндерге арналған: Қазақстан Республикасының Президенті Қасым-Жомарт Тоқаевтың «Абай және XXI ғасырдағы Қазақстан», Гүлнар Мұқанованың «Код Аль-Фараби: вехи возвращения», Әл-Фараби ат. ҚазҰУ профессоры Гүлнар Маматқадырдың «Абай жолы. Халқының шамшырағы» мақалалары толықтыра түседі.
Көрме тұрақты жұмыс істейді және жүйелі түрде жаңартылып отырылады.