Құрметті оқырмандар!

Екінші қабаттың фойесінде «Кітапхана – рухани жаңғырудағы басты құндылығымыз» атты безендірілмелі кітап көрмесі ашылды. Бұл экспозиция ертеде өмір сүрген ұлылардың сенімді тұлғалары туралы, адамдарды мәдениетке тартқандар мен тартып жүргендер туралы, «Өнер ордасының» дамуына үлес қосқандар туралы. Ғалым, жазушы, көсемсөзші Алексей Алексеевич Золотарев кітапхананың қоғамның рухани өміріндегі рөлін осылай бағалады. Көрмеге облысымыздағы, соның ішінде Л. Н. Толстой ат. кітапханадағы кітапхана ісінің даму тарихы туралы әңгімелейтін қайталанбас материалдар қойылған. Бұл жерде дәстүрлі баспа өнімдерімен қатар өткен дәуірге жататын мұражай жәдігерлері де: мұрағат және есеп беру құжаттары, ХХ ғасырдың басындағы кітапхана ғимараты бейнеленген фотосурет, Қостанай облыстық кітапханасының құрылуына қатысқандардың уақыт табынан сарғайған суреттері, қостанайлық В. И. Касиванов пен И. В. Колесниковтың атақты орыс жазушысы Лев Николаевич Толстойға жазған хаттарының көшірмелері қойылған. Дәл осы хаттардың арқасында облыстың басты кітапханасына 1949 жылы Л. Н. Толстой есімі берілген болатын.

Сіздерді көрмемізді көруге шақырамыз.