13 ақпанда Өлкетану әдебиеттері бөлімінің әдеби-ақпарат секторы Костанай Каратаев деген бүркеншек атпен жазатын қостанайлық жазушы Александр Васильевич Каратаевтың «Катрены о разном» және «Глас стихопрозы» кітаптарының тұсаукесерін өткізді.

Александр Васильевич – отставкадағы полковник, өзіне тән жазу үлгісі бар, өзгеден ерекше жазатын, өзінің қолтаңбасы қалыптасқан автор. Ол бірнеше катрендер – төрт жолдан тұратын мазмұны мол өлеңдер, тамаша «стихопроза» жинағын, сондай-ақ өлкетану сипатындағы – мемлекеттік қауіпсіздік органдарының тарихы бойынша кітаптарды жарыққа шығарды.

Тұсаукесерге А. В. Каратаевтың достары мен қаламдас әріптестері – А. С. Денисов, А. В. Дробышев, Н. В. Антуфьева, Т. М. Королёва, Ф. М. Мин, Е. В. Демидович және т.б. қатысты. Олардың әрқайсысы өз сөздерінде Александр Васильевичтің шығармашылығына қатысты пікірлерін білдірді. Қонақтардың көпшілігі өз өлеңдерін оқыды, ал музыкант Дмитрий Корой гитарамен ән салды.