Өлкетану әдебиеттері бөлімі Арқалық қаласының құрметті азаматы, сәндік-қолданбалы өнер шебері, өлкетанушы, «Қазына» сыйлығының екі мәрте иегері Шөптібай Байділдинмен «Оюмен ой айтқан елміз» тақырыбына онлайн сұхбат өткізді.

Шөптібай Байділдин қырық жылдан астам уақыт бойы қазақтың ұлттық оюларын салумен және оюмен айналысып келеді. Оның шығармашылық қоржынында ою-өрнектің 3500 астам үлгісі бар.  Қонақ өзінің өмірбаянымен бөлісіп, қазақтың оюлары, олардың мағынасы мен мәні туралы түсінік беретін «Қазақтың ою-өрнектері», «Ою ой, өрнек сал», «Оюмен ой айтқан елміз» кітаптары туралы айтып берді. Оның ою салумен қалай әуестенгені жайындағы әңгімесі де ерекше қызығушылық тудырды. Шара соңында қонақ шараға жиналғандарды қызықтырған барлық сұрақтарға жауап берді.