Әмбебап оқу залы назарларыңызға еліміздің рәміздеріне арналған «Мемлекеттік рәміздер – тәуелсіздік нышаны» жедел көрмесін ұсынады. Кітаптар мен мерзімді басылымнан алынған материалдар тәуелсіз Қазақстан рәміздерінің жасалу тарихымен таныстырады.

Көрменің көрнекті жеріне «Қазақстан Республикасы мемлекеттік рәміздерінің қалыптасу тарихы = История формирования государственных символов Республики Казахстан» кітап-альбомы қойылған. Кітапта Мемлекеттік рәміздердің авторлары туралы материалдар, олардың рәміздердің нобайын қалай жасағандары туралы естеліктері берілген. Тәуелсіз Қазақстанның ресми белгілерін жасау жұмыстарына тікелей қатысқан Қазақстан Республикасының тұңғыш Президенті Н.Ә.Назарбаевтың рөлі атап көрсетілген.

Көрмеге қойылған материалдарда тәуелсіз мемлекеттің тарихи дамуының, ойлауы мен философиясының ерекшеліктері, мемлекеттік рәміздердің мемлекетті халықаралық сахнада таныта алуының рөлі көрсетілген. Көрме ағымдағы айдың аяғына дейін жұмыс істейтін болады. 

Қарау үшін сілтеме бойынша өтіңіздер: https://www.youtube.com/watch?v=pUJCzrhOEVU