Л.Н. Толстой атындағы Қостанай облыстық әмбебап ғылыми кітапханасының әмбебап оқу залында еліміздің Тәуелсіздігіне 30 жыл толуына орай ұйымдастырылған «Егемен Қазақстан және өңір шежіресі» тақырыбында көрме ашылды.

Көрмеге «Етжеңді «Егемен Қазақстан» жинағының әр жылдары жарық көрген бірнеше томы, «Егемен Қазақстанның» 1991 жылдан бергі нөмірлерінің тігінділері, өңіріміздің дамуына қатысты мақалалар топтамасы қойылған.

Сондай-ақ «Егемен Қазақстан» газетінің тілшісі Нұрқанат Құлабаев кітапханамызға арнайы келіп, «Жүз жылдық жылнама» 5 томдық жинағын тарту етті.

Аталған көрме ақпан айының соңына дейін жұмыс істейтін болады.