Ағымдағы жылдың 05 сәуірі күні Л. Н. Толстой ҚОӘҒК «Парасат жолы» орталығының ұйымдастыруымен кезекті тікелей эфир өтті. Бұл жолғы қонақ «Қостанай – адалдық алаңы» жобалық кеңсесінің басшысы, облыс әкімінің кеңесшісі Анжела Мұратқызы Әлжанова болды. Кездесу мемлекет пен еліміздің тұрғындарының өзара іс-қимыл мәселелеріне арналды. Азаматтық қоғамды дамытудың жаңа жобалары, жастармен жұмыс, сыбайлас жемқорлыққа қарсы күрестегі басқа елдердің тәжірибесі туралы тартымды сұхбат болды. А.М.Әлжанова «еститін мемлекет» тұжырымдамасы туралы, мемлекеттің саяси жүйесін жаңғырту бойынша соңғы жылдардың жетістігі болған Ұлттық қоғамдық сенім кеңесін құру туралы айтып берді.