28 наурызда жиналыс залында тифлотүсініктемесі бар «Бриллиантовая рука» комедиясының көрсетілімі болды. Контрабандашылар – валюташылар  тобымен бетпе-бет келіп, елдің игілігі үшін басын бәйгеге тіккен қарапайым жұмысшы Семен Семенович туралы керемет комедия экранға шыққаннан бері халықтың сүйікті кинофильмдерінің бірі болып келеді. Комедия жанрының талантты актерлері орындаған трюктер, астарлы әзілдер, музыкалық нөмірлер кез келген көрерменді күлкіге қарық қылады.