Кітапхананың бірінші қабатының фойесінде белгілі қостанайлық суретші, Қазақстан Республикасы Суретшілер одағының мүшесі Вадим Быковтың Арт-студиясы оқушыларының «Ғажайып әлем» атты жұмыстарының көрмесі ашылды.

Студия оқушылары бірнеше рет қалалық, облыстық және халықаралық байқауларда жүлделі орындарға ие болды. Сурет салуды енді бастаған суретшілерге көрмеге қатысушының сертификаты табысталды.

Көрмеде түрлі техникада орындалған 35-тен астам жұмыс ұсынылды, онда оқушылар қиялдарына ерік беріп, суретші Вадим Быков үйреткен барлық шеберліктерін көрсетті. Жас суретшілерді құттықтауға Қостанайлық танымал суретшілер О. Кусков, Н. Гончаров, БСМ педагогтары, колледж студенттері келді.

Кездесуді «Карамельки» би студиясының қатысушылары әдемі билерімен сүйемелдеді.