3 шілдеде Л. Н. Толстой атындағы ҚОӘҒК қонақжайында жазушы Франц Кафканың туғанына 140 жыл толуына арналған «Бар байлығы – кітабы» атты кітап көрмесі безендірілді.

Франц Кафка – ХХ ғасыр әдебиетінің негізгі қайраткерлерінің бірі. Оның шығармаларының негізгі бөлігі қайтыс болғаннан кейін жарық көрді. Реализм мен фантастика элементтерін біріктірген жазушының кітаптары мағынасыздық пен сыртқы әлем алдындағы қорқынышқа толы. Кафка шығармаларының негізгі және көпшілігінің сарыны: жатсыну және шеттеп қалу, тіршілік үшін уайым жеу, кінә және мағынасыздық тақырыптары. Оның ең танымал шығармаларының қатарына «Превращение», «Процесс» және «Замок» туындыларын жатқызуға болады.

Көрмеде Франц Кафкаға арналған кітаптар мен мақалалар, сондай-ақ оның шығармаларының көптеген басылымдары бар.