26 ақпанда кітапхананың Білім орталығында Қазақстан халқы Ассамблеясының мүшесі, қоғам қайраткері Гедзур Екатерина Алексеевнаның қатысуымен Қазақстан халқы Ассамблеясының 30 жылдығына арналған «Халық бірлігі – ел бірлігі» атты кездесу өтті.
Екатерина Алексеевна Қостанай облысы Ассамблеясының жұмысы, оның негізгі бағыттары мен іске асырылып жатқан жобалары туралы егжей-тегжейлі айтып берді. Сондай-ақ ұлтаралық келісім мен қоғамдық бірлікті сақтаудың маңыздылығын атап өтті.
Іс-шара барысында қатысушылар сұрақтар қойып, өңір Ассамблеясының жұмысына қызығушылық танытты. Ашық-жарқын, еркін әңгіме болды, қалыптасқан ахуал достық диалогқа ықпал етті.