18 наурызда Л. Н. Толстой атындағы ҚОӘҒК абонементтер бөлімі Қостанай қалалық «Жайлаубай ата» мешітінде «Алаш – халық тарихындағы із» тарихи сағатын өткізді.
Кездесу Қазақстан тарихының маңызды тақырыбына және «Алаш» қозғалысының маңызына арналды. Іс-шараға Қазақстан Жазушылар одағының мүшесі, журналист, ақын Ақылбек Шаяхмет, сондай-ақ филология ғылымдарының докторы, профессор Әбсадық Алмасбек Ахметұлы қатысты.
Қонақтар «Алаш» қозғалысы, партияның жарқын өкілдері М. Дулатұлы, А. Байтұрсынұлы туралы егжей-тегжейлі айтып беріп, еліміздің мәдени және тарихи мұрасын дамытуға қатысты өз ойларын ортаға салды. Іс-шара аясында бейнеролик көрсетілді, «Алаш» қозғалысының өкілдеріне және оның Қазақстан тарихына қосқан үлесіне арналған еңбектер ұсынылған іс-шара аттас кітап көрмесі рәсімделді.