Ағымдағы жылдың 28 наурызында Көзі көрмейтін және нашар көретін азаматтармен жұмыс бөлімнің қызметкерлері «Бір ел – бір кітап» республикалық акциясы аясында «Көркемсөз жұлдыздары» іс-шарасын ұйымдастырды. Кеш жазушы, ақын, сыншы және аудармашы Тәкен Әлімқұлов пен ақын, Мемлекеттік сыйлықтың лауреаты Жұмекен Нәжімеденовтің шығармашылығына арналды.
Тәкен Әлімқұлов пен Жұмекен Нәжімеденов – қазақ әдебиетінің көрнекті өкілдері, олардың шығармашылығы туған жерге деген терең сүйіспеншілікті бейнелейді және әлі күнге оқырмандарды шабыттандырып, олардың ұлттық әдебиетке деген қызығушылықтарын оятуды жалғастырып келеді.
Кеш атмосферасы осы жазушылардың шығармашылығына деген шынайы қызығушылыққа толы болды. Кеш соңында қонақтар қазақ әдебиетін дамыту мен қолдауды жалғастырудың, оның құндылықтарын келесі ұрпаққа жеткізудің маңызды екендігі туралы пікір алмасты.