29 сәуірде Л. Н. Толстой атындағы Қостанай облыстық әмбебап ғылыми кітапханасында ҚР ҰҚК Қостанай облысы бойынша департаментінің және Қостанай облысы полиция департаментінің қызметкерлері, сондай-ақ Қостанай облысы әкімдігінің терроризмге қарсы орталығының өкілдері ұйымдастырған кеңес өтті. Іс-шара барысында Қазақстан Республикасының терроризмге қарсы іс-қимыл жөніндегі заңнамасының талаптарын сақтау, атап айтқанда, осал объектілердің терроризмге қарсы қорғалуын қамтамасыз ету мәселелері талқыланды, терроризмге қарсы іс-қимыл шаралары бойынша түсіндіру жұмыстары жүргізілді. Кеңеске Қостанай қаласы әкімдігінің өкілдері, сондай-ақ мемлекеттік мекемелер мен жеке меншік коммерциялық құрылымдардың қызметкерлері қатысты.