23-24 сәуір Ұлттық кітап күні аясында ҚР Ұлттық кітапханасының 115 жылдығына және Қазақстанның еңбек сіңірген қызметкері Бердіғалиева Роза Аманғалиқызының туғанына 80 жыл толуына орай «Уақыт және кеңістік ағымындағы кітапхана» атты республикалық жастар конвенті өтті.
Конвентте республика кітапханашылары мен жас мамандар өзара тәжірибе алмасып, әр қатысушы өзінің кітапхана саласында болашақта жүзеге асыратын авторлық жобасын талқыға ұсынды. Іс-шараға Л. Н. Толстой атындағы Қостанай облыстық әмбебап ғылыми кітапханасының өлкетану бөлімінің кітапханашысы Қайыркен Аружан және Арқалық қаласындағы №2 облыстық әмбебап ғылыми кітапханасының оқу залы бөлімінің кітапханашысы Әмірхан Гүлзат қатысып, жиналғандарды Қостанай облысында өтетін «ОқыЖәнеЖең» облыстық онлайн байқауы жобасымен таныстырды.