5 мамыр күні Қостанай облысы әкімдігі білім басқармасының «Қостанай қаласы білім бөлімінің №30 жалпы білім беретін мектебі» КММ-де Л. Н. Толстой атындағы Қостанай облыстық әмбебап ғылыми кітапханасының қызметкерлері ұйымдастырған отаншылдық сағаты өтті. Отан қорғаушы күніне арналған іс-шара еліміздің әскерін, әскери борышты және ерлікке толы өткен тарихымызды құрметтей білуге бағытталған.
Кітапханашылар бұл мерекенің маңыздылығы туралы, Ұлы Отан соғысының жауынгерлерінен бастап қазіргі заманғы сарбаздарға дейінгі Отан қорғаушылар туралы айтып берді. Оқушылар қысқа бейнесюжеттерді көріп, ерліктер туралы әңгімелерді тыңдады және нағыз Отан қорғаушы болу дегеннің нені білдіретінін талқылады.
Танымдық сипатқа ие болған іс-шара барлық қатысушыларға жарқын әсер қалдырды.