Л. Н. Толстой атындағы Қостанай облыстық әмбебап ғылыми кітапханасы Ұлы Отан соғысындағы Жеңістің 80 жылдығына орай № 9 жалпы білім беретін мектептің оқушылары үшін «Ұрпақтар жадында сақталар соғыс» көрмесіне шолу жасады.
Шолу барысында оқушылар еліміз бен Қостанай облысының өмірі, жеңіске зор үлес қосқан қазақстандық жауынгерлер мен тыл еңбеккерлерінің ерлігі туралы баяндайтын әдебиеттермен танысты.
Балалар сол бір қайғылы жылдарға куә болғандардың естеліктер әлеміне еніп, соғыс туралы деректі очерктермен, ғылыми зерттеулермен және көркем шығармалармен танысты, сондай-ақ викторина сұрақтарына жауап берді.
Көрмеге шолу Ұлы Отан соғысы туралы жадыны сақтауға ықпал ететін маңызды білім беру оқиғасы болды.