22 мамырда Л. Н. Толстой атындағы Қостанай облыстық ғылыми әмбебап кітапханасында қазақтың ұлы ақыны, ойшылы және ағартушысы Абай Құнанбаевтың 180 жылдығына арналған «Ұлы халықтың ұлы Абайы» атты кітап көрмесіне шолу жасалды.
Іс-шараға Қазақстан Республикасы ІІМ Ш. Қабылбаев атындағы Қостанай академиясының пробация орталығының өкілдері және «Қостанай облысы бойынша көліктік бақылау инспекциясы» РММ өкілдері қатысты. Олар үшін кездесу Абайдың философиялық және әдеби мұрасымен, оның өмірге, адамгершілікке, өзін-өзі дамытуға және тұлғаның қоғамдағы рөліне деген көзқарастарымен тереңірек танысудың бірегей мүмкіндігі болды.
Көрме викторинамен және ұлы ойшылдың шығармаларын талқылаумен сүйемелденді. Оның адамгершілік және әдеп жайындағы идеялары, сондай-ақ ағартушылықтың, қоғамның тұрақты дамуының негізі болып саналатын білім мен тұлғалық өсуге деген ұмтылыстың маңызы қатысушылардың ерекше қызығушылығын тудырды.
Мұндай кездесулер мәдени дамуға ғана емес, сонымен бірге қоғамның рухани баюына да ықпал етеді, бұл әсіресе қазіргі заманғы әлеуметтік өзгерістер жағдайында өзекті болып табылады.