18 шілдеде апартеид кезінде адам құқықтары үшін күрескен белсенділердің ең танымалы, бейбітшілік саласындағы Нобель сыйлығының иегері және Оңтүстік Африка Республикасының тұңғыш қара нәсілді президенті – Нельсон Манделаның Халықаралық күні атап өтіледі.
Атаулы күн қарсаңында Л. Н. Толстой атындағы Қостанай облыстық әмбебап ғылыми кітапханасы ҚР ІІМ қылмыстық-атқару жүйесі комитетінің «№40 мекеме» РММ жазасын өтеп жатқандар үшін Нельсон Мандела туралы ақпараттық іс-шара өткізді.
Тыңдаушыларға Нельсон Манделаның өмірбаянының негізгі кезеңдері, адам құқықтары үшін күреске және нәсілдік кемсітушілікті жеңуге қосқан үлесі, түрмеде өткізген ұзақ жылдары, сондай-ақ жаңа, демократиялық Оңтүстік Африканы құрудағы рөлі туралы айтылды. Іс-шара бейнематериалдарды көрсетумен жалғасты.